Францускиот гигант Пари Сен Жермен одлучи да го откупи договорот на Нуно Мендеш. Клубот ќе потроши 40 милиони евра и ќе го откупи левиот бек кој е позајмен од Спортинг Лисабон.
Талентираниот Нуно Мендеш лани експлодираше во дресот на португалскиот тим. Ја освои титулата и веднаш го привлече вниманието на големите клубови, има само 19 години и веќе одигра 11 натпревари за сениорската селекција на Португалија.
Претходно, ПСЖ плати 7 милиони евра на Спортинг за едногодишна позајмица на фудбалерот.
Што се однесува до останатите засилувања, нема да има големи промени во ПСЖ оваа зима, можно е да си замине само Мауро Икарди иако Покетино би сакал и тој да остане и да има поширок ростер.
