Легендарниот фудбалер на Челси, Џон Тери, се враќа во клубот и ќе ја преземе работата во младинската академија на „сините“. Тој по завршување на играчката кариера се посвети на тренерскиот занает, а беше помошен тренер во Астон Вила.
Тери ја има поминато младинската школа на Челси и потоа играше за овој тим од 1998 до 2017 година. Ја носеше капитенската лента и освои вкупно 17 трофеи.
Сега ќе го пренесува искуството на младите генерации и ќе ги подготвува за предизвиците што ги носи сениорскиот професионален фудбал.
