Челси им се врати на победите на „Боксинг деј“ (ВИДЕО)

Челси по две ремија конечно им се врати на победите во Премиер – лигата. На „Боксинг деј“, тимот на Томас Тухел славеше со 1-3 на гости против Астон Вила која беше обезглавена, без менаџерот Стивен Џерард кој е позитивен на Ковид-19.

Астон Вила поведе во 28.минута со автоголот на Рис Џејмс, но шест минути подоцна израмни Жоргињо од пенал.

Ромелу Лукаку во 56.минута се погрижи за комплетен пресврт, а Жоргињо во судиското продолжение уште еднаш погоди од белата точка за конечни 1-3.