По дебаклот од Ливерпул, португалската ѕвезда Кристијано Роналдо им се извини на навивачите на тимот преку социјалните мрежи, истакнувајќи дека тие заслужуваат многу повеќе.
„Понекогаш резултатот не е таков каков што го посакуваме и се бориме. Но, и тоа зависи од нас, само од нас, бидејќи никој друг не е виновен. Навивачите повторно беа фатастични, имавме максимална поддршка. Тие заслужуваат подобро од ова, многу подобро, а ние мораме да го направиме тоа за нив“, објави Роналдо.
Манчестер Јунајтед е во голема резултатска криза, во последните четири кола освои само еден бод и падна на седмото место на табелата во Премиер – лигата.
