Манчестер Јунајтед нема победа на последните три натпревари во Премиер – лигата, а неволјите за менаџерот Оле Гунар Солскјер се зголемија по повредата на Бруно Фернандеш. Португалскиот интернационалец добил силен удар во коленото на дуелот против Аталанта во Лигата на шампионите и неговиот настап на неделното дерби против Ливерпул на „Олд Трафорд“ е сериозно доведен во прашање.
Бруно Фернандеш на вчерашниот тренинг се обидел да се приклучи на групата, но брзо се откажал и заминал кај медицинскиот тим. Има два дена за комплетно да се опорави за големата пресметка со „црвените“.
