Барселона и Ансу Фати пронајдоа заеднички јазик околу новиот договор за талентираниот напаѓач. Сегашниот договор на Фати истекува следното лето, а Барса имаше опција да го продолжи неговиот договор само на две години.
Но, тоа не е нешто што Барса сакаше да го направи, туку од клубот потенцираа дека сакаат Фати да остане долгорочно на “Камп Ноу” и со подобрени услови. Како резултат на тоа, спортскиот директор на “Каталонците”, Матеу Алемани неодамна беше во Португалија за да се сретне со агентот на Фати, Хорхе Мендеш.
Фати „технички“ ќе го потпише својот нов договор до 2027 година со Барселона во текот на денешниот ден, пренесува сигурниот Фабрицио Романо. Тој исто така, ја потврди гласината дека новата откупна клаузула на младиот талент ќе биде одредена на 1 милијарда евра, исто како и онаа на Педри.
