Во желбата за одбрана на бодовната предност на чело на табелата во Првата македонска фудбалска лига, Вардар денеска гостува на Борец во Велес во првиот натпревар од 20. коло.
„Црвено-црните“, комплетирани со враќањето на Даниел Аврамовски и Али Адем, без сомнение, атакуваат на трите бода и покрај тоа што сосема е јасно дека ги чека повеќе од тешка задача на теренот во Велес. Интересно, Борец веќе 19 месеци не знае за пораз на домашен терен, што е дополнителен предизвик за „црвено-црните“…
„Сето тоа доволно кажува каков противник не очекува. Добро е што немаме казнети и повредени, па комплетирани со Аврамовски и Адем сигурно нашата желба е атак на трите бода. Борец има навистина добар тим, но со максимален ангажман на теренот, игра онака како што знаеме мислам дека ќе дојдеме до трите бода од овој натпревар“ – вели шефот на стручниот штаб на Вардар, Александар Васоски.
Но, во битката за опстанок бодовите се неопходно и за велешани кои без сомнение носат повеќе од доволен мотив за максимално надигрување со најтрофејниот македонски клуб.
ПМФЛ – 20. КОЛО (денеска, 14 ч.)
Велес: БОРЕЦ – ВАРДАР
УТРЕ (14 ч.)
Тетово: РЕНОВА – СТРУГА ТЛ
Кратово: СИЛЕКС – ШКЕНДИЈА
Скопје: РАБОТНИЧКИ – ШКУПИ
Скопје: МАКЕДОНИЈА ЃП – АК. ПАНДЕВ (13 ч.)
