Италијанскиот калчолигаш Милан останува без првиот голмански избор Мајк Мањан, кој мора да замине на операција. Тој ќе мора да паузира еден месец, а „росонерите“ се соочуваат со голманска криза и ќе мора да ангажираат уште еден чувар на мрежата.
Тоа треба да биде 38-годишниот Антонио Миранте, кој е слободен агент и мое веднаш да се приклучи на „Сан Сиро“. Тренерот Пиоли ќе му даде доверба на Сипријан Татарушану да го чува голот на Милан, но потребни му се и други опции за пополнување на клупата.
Миранте е легенда на Парма, а во кариерата бранеше и за Јувентус, Рома, Болоња, Сампдорија…
