Лидерот на табелата во Првата лига, тимот на Шкупи, закажа пријателски натпревар со турскиот гигант Бешикташ. Мечот ќе се одигра на 11 ноември во Истанбул, за време на следната репрезентативна пауза.
Сопственикот и раководството на Шкупи имаат добри релации со големите клубови во Турција и тоа го искористија за да воспостават соработка. Ова секако ќе биде одличен тест за тимот на Гоце Седлоски во пресрет на финалниот дел од есенската полуетапа, но и проверка колку е составот подготвен за европски дострели.
