По поразот (0-3) на Барселона од Баерн Минхен на „Камп Ноу“ на самиот старт од групната фаза во Лигата на шампионите, каталонската јавност почна поинтензивно да зборува за смена на тренерот Роналд Куман.
Холандскиот стручњак ќе го има првиот тест на вечерашниот првенствен натпревар од Ла Лига против Гранада, а во случај на лош резултат, каталонците би можеле да ја прекинат соработката со Куман.
Како можни нови имиња на клупата на Барселона се споемнуваат Жорди Кројф, кој еднаш го одби Лапорта, потоа Антонио Конте и Чави Хернандез.
Барселона има седум бода по три првенствени натпревари и ја зазема десеттата позиција, додека Гранада досега освои само два бода по четири меча.
