Искусниот бразилски дефанзивец Давид Луиз (35) потпиша договор со Фламенго. По 14 години во Европа каде играше за Арсенал, Челси, ПСЖ и за Бенфика, дојде време да се врати дома и го избра Фламенго.
Интересно е дека тој летово го одбил Реал Мадрид. Луиз имаше бројни понуди од европските клубови. Бенфика беше најупорна, а тренерот на Реал Мадрид, Карло Анчелоти разговарал со него по телефон. На крајот, тој го одби Реал и сите други понуди кои беа многу подобри од Фламенго, но неговото срце одлучи да се врати дома.
„Имав неколку опции. Размислував за помирен живот, но секогаш го избирам она што е во моето срце”, рече Давид Луиз на презентацијата во Фламенго.
