Пари Сен Жермен не успеа да победи на почетокот на новата сезона во Лигата на шампионите. Францускиот клуб ремизираше во Белгија против Клуб Бриж (1-1), а во текот на мечот се повреди напаѓаќот Килијан Мбапе.
Брзоногиот Французин се повреди и беше заменет со Мауро Икарди на почетокот на второто полувреме. Се чинеше дека повредата не е сериозна, но изгледа дека проблемите за Мбапе и ПСЖ би можеле да бидат поголеми.
“Не е добро. Мбапе го повреди глуждот, а претходно имаше проблеми со слична повреда. Денеска се закажани прегледи, така што ќе имаме повеќе информации “, изјави Маурисио Покетино, тренер на ПСЖ.
