Тренерот на Лацио, Маурицио Сари, ќе пропушти два натпревари во Серија А поради црвениот картон што го доби на натпреварот против Милан. Лацио беше поразен со 2-0 од Милан на „Сан Сиро“ во неделата, а Сари учествуваше во еден инцидент на самиот крај од мечот.
Сари упати закани кон главниот судија кој му даде директен црвен картон за неговите коментари, а потоа вербално се соочи и со Златан Ибрахимовиќ.
Тренерот на Лацио ќе ги пропушти следните два натпревари во Серија А, против Калјари и против Торино. Тој ќе се врати на клупата на 26. септември во градското дерби против Рома.
