Претседателот на Барселона, Хоан Лапорта, истакна дека местото на Роналд Куман е сигурно, без разлика на исходот од вечерашниот меч против Баерн Минхен во Лигата на шампиони.
Неговиот претходник Кике Сетиен беше отпуштен после катастрофалниот пораз од Баерн Минхен (2-8) минатата сезона.
„Местото на Куман не е во опасност дури при тежок пораз. Имам целосна доверба во него. Двајцата сме на истиот брод и имаме иста цел. Понекогаш мислењата не ни се совпаѓаат целосно, но главно одлично се разбираме“, изјави Лапорта.
