Лионел Меси замина, па сега Ансу Фати е „десетката“ на Барселона. Навивачите со нетрпение ја очекуваат младата ѕвезда да се врати на терените по пауза од цели десет месеци.
Сепак, Барселона нема да брза со враќањето на напаѓачот. Ансу Фати ќе го пропушти уште гостувањето во Севилја во Ла Лига, како и дуелот со Баерн Минхен во Лигата на шампионите. Се очекува камбекот на терените да го има на 20. септември кога Барселона ќе игра против Гранада.
Ансу Фати е надвор од терените уште од ноември минатата година кога доживеа тешка повреда на коленото. Мораше да оди на три операции пред повторно да се врати во тренажен процес.
