Андреа Пирло дојде во Лондон, сподели фотографија на Инстаграм пишувајќи „London Calling“, а тоа предизвика еуфорија кај фановите на Арсенал. Веднаш почнаа шпекулациите дека тој би можел да биде новиот менаџер на „топчиите“.
Пирло имаше неубедлива сезона за тренерски старт во Јувентус, по што италијанскиот клуб го врати на кормилото некогашниот шампионски стратег Масимилијано Алегри.
Сепак, нема засега подетални информации дека Пирло е во преговори со раководството на Арсенал. Англискиот тим очајно ја стартуваше новата сезона во Премиер – лигата и се наоѓа на последната позиција, со три порази во три меча и гол – разлика, 0-9.
