Брегалница ги отстапи Кудев и Николовски на Кит Го

Младите фудбалери на ФК Брегалница, офанзивецот Љупче Кудев и десниот бек Анџело Николовски до крајот на есенскиот дел од актуелната сезона ќе бидат на отстапница во второлигашот Кит Го од Пехчево. Донесена е одлука младите играчи да имаат поголема минутажа во второлигашот Кит Го, кој е „братски“ клуб на Брегалница.

Овие млади сили сигурно ќе бидат од голема помош и за тимот на Кит Го во борба за врвот на табелата во Втората лига Исток.