Реал Мадрид не успеа да го доведе Килијан Мбапе ова лето, но уште отсега е познато дека „кралевите“ ќе го доведат како слободен агент по завршувањето на оваа сезона.
Но, Мбапе не би сакал Реал да го доведе во своите редови и норвешкиот напаѓач Ерлинг Халанд, кој исто така се поврзува со доаѓање во Мадрид следното лето.
Мбапе и Халанд не се „сакаат“ премногу, а Французинот наводно порачал да не сметаат на него во Мадрид доколку сакаат да го доведат и Халанд.
„Мбапе го предупреди Реал Мадрид да го заборави ако го донесе Ерлинг Халанд“, тврди шпанскиот новинар Алберт Лесан.
Цената на Халанд следното лето ќе биде 70 милиони евра. Реал Мадрид со задоволство би ја платил таа сума, со оглед дека би го довел Килијан Мбапе како слободен агент. Но, очигледно дека тоа нема да оди така лесно.
