Кристијано Роналдо дојде во Манчестер. И повторно ќе биде дел од „црвените ѓаволи“. Манчестер Јунајтед предмалку потврди дека е постигнат договор со португалската ѕвезда за негово враќање на „Олд Трафорд“.
„Манчестер Јунајтед со задоволство потврдува дека клубот постигнл договор со Јувентус за трансфер на Кристијано Роналдо, под услов да се договорат лични услови, виза и медицински прегледи.
Кристијано, петкратен освојувач на „Златната топка“, досега има освоено над 30 големи трофеи во текот на својата кариера, вклучувајќи пет титули во Лигата на шампионите на УЕФА, четири светски клупски првенства на ФИФА, седум титули во лигите во Англија, Шпанија и Италија, како и Европското првенство со Португалија“, објави Манчестер Јунајтед.
