Воска Спорт покажа уште на стартот дека ќе биде моќен тим иако е нов второлигаш славејќи на гости против Гостивар со 0-4, а и Силекс лесно и убедливо славеше против Кадино (0-3). Вардар со „децата“ успеа да остане непоразен против Кораби во Дебар, а Тетекс успеа да оствари триумф против Велешта. Охрид Лихнидос беше убедлив (4-1) против Беса.
На „Западот“ има многу поголема конкуренција оваа сезона.
Победа се врати во Прилеп и со пресврт славеше победа (2-1) над Кит Го, а и Беласица го оствари планот со триумфот (0-2) над Детонит иако играше со двајца фудбалери помалку. Кожуф и Слога Виница исто така стартуваа според планот, а убедлива (1-4) беше Каменица Саса на гости кај Осогово.
МАКФУДБАЛ го издвои најдобриот тим по премиерните натпревари во двете втори лиги. Тренер на колото е стратегот на Воска Спорт, Раде Цицмиловиќ, по убедливиот триумф во Гостивар.
МАКФУДБАЛ ТИМ НА КОЛОТО ВО ВТОРИТЕ ЛИГИ!
- ФИЛИП ИЛИЌ (ВАРДАР)
- БОРЈАН ПАНОВСКИ (ОХРИД ЛИХНИДОС)
- АНДРЕЈ РИЧКОВ (КАМЕНИЦА САСА)
- ВАСИЛ КРСТЕВ (БЕЛАСИЦА)
- ДАНИЕЛ КАРЧЕСКИ (ПОБЕДА)
- ДАВИД МАНАСИЕВСКИ (СИЛЕКС)
- АЛЕКСАНДАР ПОПОВСКИ (ТЕТЕКС)
- ДАРКО АНЃЕЛЕСКИ (ПОБЕДА)
- БУРХАН АЛИЈИ (СИЛЕКС)
- ИЗАИР ЕМИНИ (ВОСКА СПОРТ)
- ИГОР КЛЕЧКАРОСКИ (ОХРИД ЛИХНИДОС)
ТРЕНЕР НА КОЛОТО: РАДЕ ЦИЦМИЛОВИЌ (ВОСКА СПОРТ)
