Англискиот репрезентативец Рахим Стерлинг би можел да го напушти „Итихад“ до крајот на летниот преоден рок и да се пресели во Лондон. Тој е во преговори со Арсенал и со Тотенхем кои покажуваат сериозен интерес да го ангажираат крилниот напаѓач на Манчестер Сити.
По доаѓањето на Џек Грилиш, а со намера да го купи и Хари Кејн, Манчестер Сити мора да продаде дел од ѕвездите, а се чини дека најблиску до заминување е токму Рахим Стерлинг. „Граѓаните“ за него бараат околу 80 милиони фунти.
Арсенал би сакал да го има Стерлинг во тимот, но тоа се премногу пари во моментот за Микел Артета. Од друга страна, Тотенхем има варијанта да го добие Стерлинг како дел од евентуалниот трансфер на Хари Кејн во Манчестер Сити.
