Аргентинската ѕвезда дојде во Париз и потпиша двегодишен договор со Пари Сен Жермен. Предизвика вистинска еуфорија во француската престолнина, а неговиот деби настап се очекува веќе овој викенд.
Меси релативно брзо се договори со ПСЖ и го потпиша договорот, но во него има една многу важна клаузула. Станува збор за настапите во аргентинската репрезентација. На Меси секогаш му е приоритет настапот за репрезентацијата, а поради тоа ПСЖ ќе му овозможи да пропушти натпревари за клубот кога ќе се врати од репрезентативен настап.
Меси со Аргентина ова лето конечно го освои првиот трофеј. Со „гаучосите“ ја освои Копа Америка. За Аргентина досега има одиграно 151 натпревар и постигна 76 гола.
