Фудбалскиот клуб Реал Мадрид објави соопштение во кое се наведува дека ќе поднесе тужба против претседателот на Ла Лига, Хавиер Тебас. Освен Тебас, на „тапет“ на Мадрид се и шефот на инвестицискиот фондот „ЦВЦ“, Хавиер де Хауме Гухара и самата компанија, против која исто така ќе биде покрената тужба.
На тој начин, Реал Мадрид сака да го поништи договорот помеѓу Ла Лига и фондот „ЦВЦ“, чии ставки во договорот се во спротивност со намерите на „кралскиот клуб“ и на Барселона. И покрај фактот дека соработката помеѓу Ла Лига и фондот ЦВЦ е вредна 2,5 милијарди евра, а дури 90 проценти би биле поделени меѓу тимовите, таа идеја не им се допаѓа на најголемите клубови во Шпанија.
Причината за тоа е желбата на Барса и Реал во иднина да ја формираат Европската Суперлига, од која единствени, заедно со Јувентус, не се откажуваат. Договорот меѓу Ла Лига и фондот ЦВЦ значеше дека шпанските клубови не можат да играат и да се приклучат на Суперлигата.
Главната причина зошто Барселона остана без Лионел Меси е тоа што не се согласи со договорот меѓу Ла Лига и фондот ЦВЦ, верувајќи дека Суперлигата секако ќе се профункционира во иднина.
