Францускиот тинејџер Едуардо Камавинга ја одбил понудата од Манчестер Јунајтед, затоа што смета дека неговата иднина треба да биде во Ла Лига. Младиот играч за врска на Рен е еден од најбараните млади фудбалери во Европа, а раководството на јунајтед му понуди одлични услови за да се пресели на „Олд Трафорд“. Сепак, тој преку неговите менаџери се заблагодарил на понудата.
Камавинга беше една од големите желби на Зинедин Зидан, поранешниот тренер на Реал Мадрид. „Кралевите“ и понатаму го следат големиот талент, но најверојатно ова лето нема да можат да го реализираат трансферот поради финансиската криза предизвикана од пандемијата на коронавирусот. Приоритет на Флорентино Перез е ангажманот на Килијан Мбапе од Пари Сен Жермен.
