Фудбалерите на Кит Го со победа ја почнаа серијата пријателски натпревари низ подготвителниот период пред стартот на новата сезона во Втората лига – Исток.
Кит Го на првиот тест-дуел летово кој го играше во Пехчево славеше со 2-0 против Слога Виница. Победникот беше најавен уште во првата минута со погодокот на Кире Трпчевски, а во 26. минута стрелаше и најдобриот стрелец на Кит Го, Бошко Ступиќ за конечни 2-0.
До крајот на мечот во двете екипи продефилираа сите фудбалери.
