Македонскиот репрезентативец Езгјан Алиоски најверојатно нема да го засили турскиот клуб Галатасарај. Раководството на клубот на крајот одлучи да го доведе холандскиот интернационалец Патрик ван Анхолт, дефанзивецот на Кристал Палас кој сега е слободен агент по истекот на договорот со лондонскиот клуб.
Галатасарај е во преговори со Ван Анхолт и со Алиоски повеќе од еден месец и на крајот донесе одлука да го реализира трансферот на холандскиот репрезентативец. Тој треба во наредните два дена да пристигне на лекарски прегледи во Истанбул.
