Менаџерот на Манчестер Јунајтед, Оле Гунар Солскјер, потпиша нов договор со клубот до 2024 година, со опција за уште една дополнителна година.
Норвешкиот стратег првично пристигна како привремен шеф на „Олд Трафорд“ во декември 2018 година, на местото на Жозе Мурињо, но успеа брзо да го стабилизира тимот и доби перманентен договор. Сега соработката е продолжена, а амбициите на Манчестер Јунајтед се да се впушти во трка за шампионската титула со Манчестер Сити, Челси и останатите кандидати за трофејот во Премиер – лигата.
„Чест е да се биде на клупата на Манчестер Јунајтед, сакам да изразам благодарност за укажаната доверба и да порачам дека ќе продолжиме напорно да работиме со цел да ги реализираме целите на клубот. Сите знаат што значи за мене Манчестер Јунајтед и сега се наоѓаме во еден возбудлив период на изградба на нов тим кој може да има големи дострели“, изјави Оле Гунар Солскјер.
