Францускиот репрезентативец Пол Погба би можел да го напушти Манчестер Јунајтед до крајот на преодниот рок и да се пресели во Пари Сен Жермен. Како што открива британскиот „Мирор“, Погба ги договорил личните услови за трансфер на „Паркот на принцовите“, а во следниот период треба да се интензивираат преговорите меѓу ПСЖ и Манчестер Јунајтед.
„Црвените ѓаволи“ ја одбиле првичната понуда од 50 милиони евра за Пол Погба, а веднаш пристигнала нова според која клубот од Париз е подготвен да плати 58 милиони евра. Дополнително, ќе бидат вклучени и клаузули за бонуси согласно успесите што би ги остварил Погба во дресот на ПСЖ.
Сепак, се чини дека и ова не е сум што ќе го убеди Манчестер Јунајтед да остане без услугите на Погба. На „олд Трафорд“ очекуваат понуда од околу 70 милиони евра.
