Шкупи е максимално подготвен за надигрување со португалскиот клуб Санта Клара. Во пресрет на утрешниот меч, пред новинарите зборуваа тренерот Гоце Седлоски и капитенот на клубот, Фатих Исмаили.
„Треба да бидеме трпеливи, да бидеме паметни и да одиграме квалитетен меч, сакаме да оствариме победа и да уживаме со нашите навивачи. Пред нас имаме многу силен противник, тие играат брз, агресивен и напаѓачки фудбал, но секако имаме и ние многу што да покажеме на утрешниот натпревар. Го анализиравме тимот на Санта Клара. Тие имаат одлични играчи, но резултатот ќе зависи од нашата игра“, вели тренерот, Гоце Седлоски.
Оптимист е и капитенот Фатих Исмаили.
„Максимално сме подготвени за утрешниот натпревар. Играме против квалитетен тим. Но, велам уште еднаш, ние сме подготвени и веруваме дека утре, давајќи го максимумот, ќе оствариме позитивен резултат и ќе уживаме со нашите фанови“, изјави Исмаили.
Мечот меѓу Шкупи и Санта Клара од второто квалификациско коло во Конференциската лига на УЕФА, е закажан за утре со почеток во 20 часот, на стадионот „Тодор Проески“ во Скопје.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski