Динамо Загреб обезбеди триумф од 2-0 против Омонија во првиот меч од второто квалификациско коло во Лигата на шампионите. Ловро Мајер во 65.минута и Кристијан Јакиќ во 81.минута беа стрелци на головите за „модрите“ на дуелот на „Максимир“.
Стефан Ристовски беше стартер, исто како и Аријан Адеми, но капитенот на Динамо се повреди и ја напушти играта пред крајот на првото полувреме.
Ференцварош со 2-0 го совлада Жалгирис, Клуж славеше со 1-2 на гости против Линколн Ред Импс, а Шериф беше подобар од Алашкерт (0-1).
