Македонскиот репрезентативец Тихомир Костадинов е пред можен трансфер во словачкиот Слован Братислава, пренесуваат медиумите во оваа земја. Играчот за врска имаше забележителен настап за репрезентацијата на Македонија на Европското првенство, а тоа го увиде и раководството на Слован.
Костадинов е еден од најдобрите фудбалери на Ружомберок, но Слован Братислава е клуб кој секогаш се бори за највисок пласман во словачкото првенство.
Покрај Слован Братислава, за Тихомир Костадинов се интересира и летонскиот тим Рига, кој е ривал на Шкендија во Конференциската лига на УЕФА.
