Италијанскиот калчолигаш Милан полека го формира тимот за претстојната сезона во која по подолг период повторно ќе настапува во Лигата на шампионите. По ангажманот на Оливие Жиру, раководството на „росонерите“ ја заврши и работата околу Брахим Дијаз.
Напаѓачот на Реал Мадрид наредните две години ќе ги мине на „Сан Сиро“ како позајмен играч, а Милан ќе плати само 3 милиони евра. Опцијата за комплетно откупување на договорот изнесува 22 милиони евра, а и Реал Мадрид има клаузула за да го врати фудбалерот во свој посед доколку плати 27 милиони евра.
