Италијанскиот репрезентативец Николо Барела го одигра Европското првенство на врвно ниво. Играчот за врска на Интер беше еден од клучните играчи на „aѕурите“ кои направија голем подвиг славејќи ја титулата на Стариот континент, а тоа не остана незабележано од европските клубови.
Англиските премиерлигаши Манчестер Јунајтед и Ливерпул се импресионирани од игрите на младиот Италијанец и нудат 70 милиони евра за неговиот потпис. Интер е во финансиски проблеми и ова е сума што целосно би го извлекла од неволјите ако се знае дека претходно беше продаден и Хакими.
Барела е под сериозно искушение. Ваква понуда не се добива секое лето, а 24-годишниот фудбалер пристигна во Интер пред две години во трансфер вреден 44,5 милиони евра од Калјари.
