Оливие Жиру официјално член на Милан, ја задолжи „деветката“

Искусниот француски фудбалер Оливие Жиру е новиот напаѓач Милан, со кого потпиша двегодишен договор и го задолжи дресот со број девет, објавено е на веб-страницата на италијанскиот вицешампион.

Светскиот шампион со Франција пристигнува на „Сан Сиро“ од редовите на актуелниот европски шампион Челси, каде настапуваше од јануари 2018 година.

Претходно играше за Арсенал и за Монпелје, каде во 2012 година го сврте вниманието кон себе освојувајќи ја шампионската титула во Франција.