Стадионот на Реал Мадрид се реновира и ќе потсетува на вселенски брод во ново руво со навистина непрепознатлив, футуристички изглед.
Уште од почетокот на пандемијата, која го забрза почетокот на работата на култниот стадион, Реал играше на помошниот стадион „Алфредо ди Стефано“, каде ќе игра и во текот на целата претстојна сезона. Реновирањето на „Бернабеу“ треба да заврши меѓу септември 2022 и јануари 2023 година. Но, конкретниот напредок во градежништвото веќе се гледа, па Реал неодамна објави снимки за тоа како работи новиот лизгачки покрив.
