![](https://makfudbal.mk/wp-content/uploads/2021/03/Skendija-vo-Romanija-1.jpg)
Шкендија, Силекс и Ренова пред нов предизвик во желбата за продолжување на европското лето. Силекс и Ренова, против Дрита од Гњилане односно сплитски Хајдук, на домашен терен ќе ја бараат можноста за пласман во 3. квалификациско коло од Лигата на Европа, додека Шкендија гостува на Ботошани во Романија.
Шефот на стручниот штаб, Ернест Ѓока пред натпреварот вели дека Шкендија единствено размислува само на триумф против Ботошани и пласман во следното коло.
„Ботошани е одличен тим, ги анализиравме добро нивните добри и лоши страни и веруваме дека ќе успееме да се наметнеме на утрешниот меч. Дојдовме да победиме, знаеме дека оваа сезона во Европа се игра по еден натпревар, се е поинаку и тимот е подготвен да одигра на таков начин. Верувам дека ќе биде квалитетен меч, затоа што и Ботошани и Шкендија ги карактеризира допадлив и технички дотеран фудбал“ – вели Ернест Ѓока.
Во таборот на Ренова, пак, сметаат ако беше елиминиран ерменски Алашкерт среде Ереван, тогаш зошто да не се елиминира и Хајдук во Скопје.
„Хајдук е фаворит. Не треба многу зборови да се трошат за нивниот квалитет. За нас е многу важно психолошки да бидеме подготвени. Велам дека подготвени ќе го дочекаме мечот. Ние се подготвивме максимално, но ќе повторам дека најважен ќе биде психолошкиот аспект. Нашиот стил е напаѓачки и затоа очекувам и утре да прикажеме убав офанзивен фудбал, па на крајот нека победи подобриот. Нашата предност е што сме дисциплиниран тим и со добра игра ќе се обидеме да го изненадиме големиот фаворит“ – вели стратегот Бујар Ислами.
Кратовски Силекс ја носи фаворитската улога против Дрита од Гњилане во 2. квалификациско коло во Лигата на Европа.
Свесни се во таборот на македонскиот прволигаш дека имаат одлична шанса вечерва од 20 часот на националната арена „Тодор Проески“ во Скопје да се изборат за место во следната рунда европски натпревари.
„Не очекува тежок натпревар. Колку немавме среќа со Карабах во ЛШ, толку сега ни се насмевна среќата бидејќи извлековме тим со кој можеме да играме. „Тодор Проески“ и за нас е гостински терен бидејќи ние играме во Кратово. Очекувам неизвесен натпревар кој може да трае повеќе од 90 минути. Моето прво правило е да дадеме максимум, па потоа нека победи подобриот“ – вели Симов.
ЛИГА ЕВРОПА (2. КВАЛИФИКАЦИСКО КОЛО)
15:30 ч: РЕНОВА – Хајдук (Хрв)
17:45 ч: Ботошани (Ром) – ШКЕНДИЈА
20 ч: СИЛЕКС – Дрита (Кос)
![](https://makfudbal.mk/wp-content/uploads/2021/02/logo.jpg)
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski
![](https://makfudbal.mk/wp-content/uploads/2024/09/zfk-ljuboten-7-1-80x80.jpg)
Женски фудбал
ЖФК Љуботен со утешна, но и историска победа во ЛШ
![](https://makfudbal.mk/wp-content/uploads/2024/09/kasemiro-junajted-888-80x80.jpg)