Аргентинската ѕвезда Лионел Меси е слободен играч, откако на крајот од јуни истече неговиот договор со Барселона. Иако тој е начелно договорен да продолжи на „Камп Ноу“, сепак, Пари Сен Жермен не ја пропушти можноста да му достави понуда за преселба во Париз.
Според шпанските медиуми, ПСЖ стапил во контакт со агентите на Меси и доставил богата понуда за најдобриот светски фудбалер. Сумата конкретно не е објавена во јавноста, но се потенцира дека ПСЖ нуди многу повеќе од Барселона за да го привлече Меси да се пресели на „Паркот на принцовите“.
