Миралем Пјаниќ немаше добра сезона во Барселона и многу е веројатно дека ќе ја промени средината ова лето. За него сериозен интерес појавува Тотенхем. Новиот менаџер Нуно Еспирито Санто сака да го има како засилување во средниот ред за новата сезона.
Пјаниќ доби мала минутажа од Роналд Куман во дресот на Барселона, а во каталонскиот тим дојде од Јувентус за 60 милиони евра. Сега каталонскиот гигант би се сложил да го продаде и за 50 милиони евра.
Пјаниќ минатата сезона одигра 19 натпревари за каталонците и не успеа да постигне погодок. Освен за Барселона и за Јувентус, тој во кариерата играше и за Мец, Лион и за Рома.
