Селекторот на украинската репрезентација Андриј Шевченко, ги искажа своите впечатоци по синоќешната победа над Шведска (2-1) во осминафиналето на ЕВРО 2020, но и очекувањата од чертвтфиналната пресметка против Англија во Рим.
„Шведска е одлична репрезентација, а ние успеавме да направиме подвиг со пласманот во четвртфиналето. Благодарен сум им на играчите што направија сè совршено. Осум дена одмор пред мечот со Шведска беше многу корисен. Ни остануваат четири дена пред да се сретнеме со Англија. Добро е што имавме толку многу време да се подготвиме. Ќе ги вратиме играчите, пред сè, физички и психолошки. За успех со Англија, треба да имаме верба и издржливост. Англискиот состав е силен тим со долга клупа. Го гледав првото полувреме на нивниот натпревар со Германија. Тоа е многу моќен тим и јас добро ги познавам играчите. Знаеме дека не очекува нов жесток дуел“, изјави Шевченко.
Натпреварот меѓу Англија и Украина ќе се игра на 3 јули во Рим.
