Италија на Роберто Манчини е неверојатно силна. Иако мораше да игра продолженија, сепак, ја совлада Австрија со 2-1 на „Вембли“ и се пласира во четвртфиналето на Европското првенство.
„Аѕурите“ поставија и нов рекорд. Немаат пораз на 31 натпревар по ред. Серијата продолжи, а избраниците на Манчини ќе ја бранат и на следниот дуел, на 2 јули на „Алијанц арена“ во Минхен, против подобриот од осминафиналната пресметка меѓу Белгија и Португалија.
На светско ниво, поголеми серии без пораз имаат само Бразил (1993 – 1996) и Шпанија (2007-2009) со по 35 натпревари.
