Полска по вчерашниот пораз (3-2) од Шведска доживеа елиминација од Европското првенство по првата фаза. Напаѓачот Роберт Левандовски е разочаран и вели дека би ги менувал сите голови за да игра со Полска во осминафиналето.
„Не е утеха тоа што постигнав голови. Би ги менувал сите за да играме со Полска во осминафиналето. Ова е тимска игра, а мислам дека тимот на Полска заслужи повеќе од елиминација. Немавме среќа, тажни сме и многу разочарани“, изјави Левандовски.
Полска на крајот заврши како четвртопласирана во групата со Шпанија, Шведска и со Словачка, со само еден освоен бод.
