Хрватска оствари триумф против Шкотска (1-3) во Глазгов и се пласира во осминафиналето на ЕВРО. Еден од хероите на натпреварот секако беше Лука Модриќ кој постигна фантастичен гол за водство од 2-1. Фудбалерот на Реал Мадрид не го криеше задоволството од пласманот во понатамошниот тек на натпреварувањето.
„Одигравме одличен меч и се пласиравме во втората фаза. Ние не бевме на вистинското ниво на првите два натпревари. Се подобривме кога беше најважно. Ако игравме вака и загубевме, сепак, ќе можевме да го напуштиме теренот со кренати глави“, изјави Модриќ.
Лука постигна импресивен гол од работ на казнениот простор, со надворешно ефе.
„Голот ми значи многу. Драго ми е што помогнав во триумфот, но важно е дека целиот тим беше добар и заедно дојдовме до победа”, заклучи хрватскиот фудбалер.
