Од детето на Беласица до најдобриот македонски фудбалер во историјата

Струмичкиот клуб Беласица е горд на кариерата на Горан Пандев. Тој почетоците ги имаше во еден од најстарите македонски клубови, а потоа преку младинската академија на Интер се вивна во легендите во Серија А. Две децении, со мала пауза, го носеше дресот на фудбалската репрезентација на Македонија.

„Вчера, Гранде Горан за последен пат играше во светиот македонски репрезентативен дрес. По две децении, Пандев од репрезентацијата се опрости како рекордер во број на настапи (122), рекордер во број на постигнати голови (38) и како апсолутна легенда, голем капитен и најдобар македонски фудбалер во историјата. Стоечки овации на стадионот „Јохан Кројф“ и поклон до земја од сите македонци и цел свет. Сосема заслужено.

Гоче, ФК Беласица, твојот матичен клуб е гордост твоја, па така догодина, големиот јубилеј од 100 години постоење на клубот да го прославиме заедно, со великанот на македонскиот фудбал!

Честитки за големата и успешна кариера во репрезентативниот дрес!“, објави ФК Беласица на социјалните мрежи.