МАКФУДБАЛ на ЕВРО во Букурешт,
Никола Ѓуровски
Украина е вториот противник на Македонија на Европското првенство. Утре (15 часот) на Националната арена во Букурешт, селекцијата на Андриј Шевченко ќе застане исправена пред Горан Пандев и другарите во обидот за прв позитивен резултат на ЕП.
Прославениот украински голгетер кој сега е селектор на Украинците, вели дека Македонија заслужува максимален респект.
„Македонија едноставно мора да се респектира. Тие имаат победнички карактер, тие имаат неверојатен лидер и борбен дух. Речиси постојано играат во формација 5-3-2 и неверојатно се опасни од противнапади. Знаеме дека не очекува тежок натпревар и ќе треба да го заслужиме триумфот“, изјави Андриј Шевченко.
