Поранешниот прв човек на Победа, Александар Забрчанец – Ацуле, почина вечерва во 73 година од животот. Со него се поврзани најголемите успеси на клубот од Прилеп, во македонскиот фудбал ќе остане запаметен како ведар човек кој секогаш гледаше од светлата страна на животот.
Со Ацуле како претседател Победа двапати беше шампион и двапати вицешампион на Македонија, а го освои Купот на Македонија во сезоната 2001/02. Под негово водство Победа првпат заигра и во фудбалска Европа.
