Зинедин Зидан донесе одлука каде ќе ја продолжи својата тренерска кариера. Откако освои се со Реал Мадрид, сега сака да ја предводи репрезентацијата на Франција. Зидан ќе чека колку што е потребно за да го замени Дидие Дешамп на клупата на „триколорите“.
Дешамп има договор до СП 2022 година, а Зизу е подготвен да одмори две години и да го сочека заминувањето на актуелниот селектор на Французите.
Зидан како фудбалер ги предводеше Французите до титулата светски шампион во 1998 година, а потоа и во друго финале во 2006 година, во кое Италијанците беа подобри. Сака да се обиде да ја освои светската титула и како селектор.
