Се загрева атмосферата пред почетокот на Европското првенство, а фудбалската репрезентација на Македонија дебито на големата сцена ќе го има против Австрија на 13 јуни во Букурешт. Капитенот Горан Пандев во интервју за австрискиот „Кроне“ истакна дека Македонија игра најдобро кога е во улога на аутсајдер.
„Ја сакаме улогата на аутсајдер. Тогаш го играме најдобриот фудбал и можеме да одиграме навистина квалитетно. Првпат сме на Европско првенство, ова за нас е историја и самото чувство да се подготвуваш со репрезентацијата за ваков настан е нешто посебно. Ние живееме за Македонија и ќе сториме се за да се претставиме гордо и да ги израдуваме уште еднаш нашите навивачи“, изјави Пандев.
Македонија нема позитивен биланс со Австрија, загуби двапати, со 1-4 во Скопје и со 1-2 во Виена.
