Агим Ибраими е голем: Јас сум дел од македонската репрезентација и со цело срце ќе ја бодрам (ВИДЕО)

Агим Ибраими е голем спортмен и кога не е повикан во репрезентацијата тој чувствува дека е дел од неа. Затоа е еден од омилените македонски репрезентативци на сите времиња. Во гостувањето во емисијата „Одиме на Европско“, тој вели дека со цело срце ќе ги борди колегите на натпреварите од ЕП.

„Во македонската репрезентација има врвни фудбалери. Фокусот на фудбалска Европа ќе биде насочен кон играчите и нема поголема мотивација од тоа. Само сакам да им посакам да бидат здрави и подготвени за игра. Верувам во тимот и знам дека ќе се прикажат во најдобро светло. Јас сум еден од нив и со цело срце ќе ги бодрам“, изјави Агим Ибраими.

Веројатно и требаше да има место за Агим Ибраими на списокот на селекторот Игор Ангеловски.