Челси ја освои европската титула по вторпат во историјата на клубот. Во финалето во Порто, лондонскиот клуб славеше против Манчестер Сити со 1-0, со голот на Каи Хаверц.
За постигнатите резултати оваа сезона во Лигата на шампионите, Челси ќе заработи околу 80 милиони евра. Уште 31 милиони евра легнаа на сметката поради висок клупски коефициент. Така, Челси заработи повеќе од 110 милиони евра, а дел од финансискиот колач од ТВ-правата допрва ќе го добие.
Познато е и дека фудбалерите на Челси ќе поделат 10 милиони евра. Ако го загубеа финалето, ќе добиеја пет милиони евра.
