Манчестер Сити го загуби финалето на Лигата на шампионите од Челси (0-1), а најдобриот фудбалер на „граѓаните“, Кевин де Бруин, зарабори сериозни повреди поради кои мораше да го напушти теренот по еден час игра. Во текот на денешниот ден ја доби и дијагозата. Има скршеници на носната коска и на коска на лицето.
„Само што се вратив од болница. Дијагнозата е акутна фрактура на носот и фрактура на левата јаболчица. Сега се чувствувам добро. Очигледно сум разочаран од вчера, но ќе се вратиме посилни“, објави Кевин де Бруин.
Белгиецот се надева дека ќе се опорави навреме за да настапи на Европското првенство.
